Mjög sérkennilegt mál hefur komið upp: Orf hefur tekið á leigu hjá LBHÍ gróðurhús á leigu til að framleiða (ekki er nákvæmlega vitað hvort verður um framleiðslu eða tilraunir að ræða) snyrtivörur sínar EGF dropana - þessi tilraunagróðurhús hafa verið byggð í samstarfi við ylræktina til að vinna að þeirra framleiðslu... Umhverfisstofnun gaf leyfi án þess að taka tillit til athugasemda frá Heilbrigðisnefnd Suðurlands eða sveitafélaginu Ölfus sem báðu um skerpt eftirlit, án þess að kynna umsóknina fyrir íbúana, Hveragerði (bæjarfélagið) vissi ekkert um málið fyrr en hópur mótmælti kröftulega og fór á fund bæjarstjórans. Það sem alvarlegast er, er að þessi áhættusömu ræktun mun fara fram innan við 1 km frá Heilsuhæli NLFÍ sem er frumkvöðull í lífrænni ræktun og yfirlýst Svæði án Erfðabreyttra Lífvera, við bakka Varmár sem er fríðuð, við trjáplöntusafnið.
Allt hefur verið gert til að fá Orf til að rækta innanhús, en ekki til að taka húsin og svæðin frá lífrænum ræktendum.

Terra Madre dagurinn var haldinn í 3. sinn um allan heim laugardaginn 10. desember og er eins og undanfarin ár tileinkaður mat úr héraði og gleði að koma saman ("eat locally" er slagorðið se er notað alls staðar). Hér heima var hann líka haldinn hátíðlegur, Frú Lauga hafði boðið framleiðendum að vera í búðinni og var mikil aðsókn, og Búrið, Eirný Sigurðardóttir, skipulagði í samstarfi við Beint frá Býli stóran Bændamarkað á bílastæðinu fyrir framan búðina við Nóatún 17. Þar komu 20 smáframleiðendur og buðu vörur sínar til sölu, kjöt og kjötvörur, sælgæti, brauðmeti, chutney og lummur, kryddaðar hnetur, salt og margt fleira. Aðsóknin var gríðarlega mikil og fólk byrjaði að streyma í tjaldinu og í Búrinu áður en markaðurinn opnaði formlega. Heyrðist á mörgum að þetta ætti að vera reglulegur viðburður - og ekki ólíklegt að verði. Myndir fljótlega á heimasíðunni.

Vandana SHiva skildi eftir hjá okkur mjög mikilvægan boðskap og við verðum að geta sótt í hennar viskubrunn reglulega.
Fyrirlestrarnir hafa verið klipptar fyrir YouTube og það hefur Lára Hanna Einarsdóttir gert, sömuleiðis Silfur Egils. Sl+oðirnir eru vinstra megin á þessari síðu.

Í tilefni komu Vandana Shiva, gefur Salka Forlag út bók sem hefur fengið heiti "Ákall til Mannkyns". Þetta eru rit sem hafa verið dreifð mikið í gegnum Slow Food og eru svokölluð "Manifesto" tekin saman undir stjórn Vandana Shiva með þátttöku margra vísindamanna, rithöfunda, blaðamanna og stjórnmálamanna. Fjögur Manifesto hafa verið birt, um framtíð frækorna, framtíð matarins, loftslagsbreytinga og fæðuöryggi, og loks í fyrra um þekkinganet (knowledge systems). Íslenska þýðingin sem Jóhann Páll Jóhannsson gerði undir stjórn Ingibjargar Elsu Björnsdóttur, tekur Future of Food og Climate Change Manifesto. Mjög mikilvægur lestur. Bókin mun kosta 1.900 kr. og verða til sölu á fyrirlestur Vandana Shiva í Háskólabíóí.

Umhverfisráðuneytið sendi frá sér fréttatilkynningu og kemur fram þar að Vandana Shiva mun hitta Svandísi Svavarsdóttur umhverfisráðherra, Katrínu Júlíusdóttur iðnaðarráðherra og Jón Bjarnason landbúnaðar- og sjávarútvegsráðherra. Á fundinum verða einnig sérfræðingar frá ýmsum stofnunum og umræður verða aðallega um umhverfisvandamál og áhrif loftslagsbreytinga.

Í tilefni að heimsókn Vandana Shiva, mun Bíó Paradís sýna 3 myndir:
* fimmt. 25. ágúst kl 20 Seeds and Seedmultinational með Vandana Shiva (kvikmynd um þessa merkilegu konu og baráttuna gegn fjölþjóðlegum risafyrirtækjum í líftækniiðnaði)
* laugard. 27. ágúst kl 20 Life running out of control (kvikmynd um afleiðingar erfðabreytinga; samfélagsleg og siðfræðileg álitamál.)
* sunnud. 28. ágúst kl 20 Scientists under attack (kvikmynd um baráttu vísindamanna við fjölþjóðleg risafyrirtæki í líftækniiðnaði) 
Eiga erfðabreytt matvæli að abjarga þróunarlöndum frá hungursneyð? Eru vísindamenn sem finna niðurstöður sem henta ekki fjölþjóðaiðnaðnum á hættu að vera lagðir í einelti? Hvað eru erfðabreyttar lífverur? Svörin kannski í Bíó Paradís.

Vandana Shiva, varaformaður Slow Food International, heldur fyrirlestur í Háskólabíói mánud. 29. ágúst n.k. Hún er líklega áhrifamesta rödd samtímans þegar kemur að umhverfis- og mannréttindamálum. Hún er fræðikona, femínisti og rithöfundur og jafnframt heimsþekkt fyrir störf sín í þágu sjálfbærrar þróunar, umhverfis og mannréttinda. Nánar upplýsingar um Vandana Shiva eru að finna hér á heimasíðunni.