Ný stjórn var skipuð á aðalundi samtakana 25. mars og eru eftirfarandi einstaklingar í stjórninni:
Eirný Sigurðardóttir (eirny (at) yahoo.com)
Gísli Matthías Auðunsson (Vestmannaeyjum) (gislimatt89 (at) gmail.com)
Helga Mogensen  (helgamog (at) internet.is)
Hildur Petersen  (hildurp (at mmedia.is)
Ólafur Örn Ólafsson (olafurorn1 (at) gmail.com)
Dominique Plédel Jónsson, formaður (dominique (at) simnet.is)
Við þökkum þeim sem hætta í stjórn, oftast vegna anna í málefnum sem falla undir Slow Food en þau hafa lofað að halda áfram að leggja sitt að mörkum til að efla Slow Food samtökin.

Samtök Lifrænna Neytenda sýna myndina "Queen of the Sun" mánudaginn 7. maí kl 20 í Norræna Húsinu og er aðgangur ókeypis, allir velkomnir á meðan húsrúm leyfir. Myndin fjallar um óútskýrðan dauða heilu býflugnabúa og ekki er einfalt að finna orsök: eiturefni, erfðabreyttar plöntur sem framleiða sjálfar eigin eitur, hvarf villiblóma og margt annað. Þessi mynd hefur farið sigurför um Bandaríkin en verið lítt sýnt í Evrópu. Hvað verður um okkur ef býflugur deyja út?

Fræðslufundur (og um leið aðalfundur samtakanna)  verður haldinn á Gló sunnud. 25. mars kl. 16. Ný stjórn kemur til með að taka við og við köfum dýpra í brauð- og saltgerð: Ásgeir Sandholt hefur rannsakað mikið súrdeigsbrauðgerð, og framundan hjá honum er framleiðsla á súrdeigsbrauðum úr lífrænt ræktuðum gömlum skandínavískum hveititegundum. Fyrst þegar Ásgeir útskýrir er hægt að skilja að brauð er heil máltíð - og af hverju.
Yngvi Eiriksson og vinir hans stofnuðu fyrir stuttu Saltverkið fyrir vestan, og tóku upp með þessu móti gamla hefð sem er einstök jafnvel í heiminum: að nota jarðvarma til að framleiða saltið. Saga saltsins á Íslandi er spennandi og hugmyndirnar á bakvið Saltverkið frábærar, og Yngvi útskýrir fyrir okkur af hverju.

Slow Food i Norden var formlega stofnað í byrjun febrúar í Kaupmannahöfn eftir 2ja ára undirbúningsvinnu. Markmið Slow Food i Norden er að vinna sameiginlega að málefnium Slow Food þvert á landamærin, að styrkja convivia um Norðurlöndin, færa skilaboðin á yngri kynslóðirnar, taka þátt sameiginlega í viðburðum eins og Terra Madre, og einnig að vera virk í að styrkja Slow Food International í verkefnum á heimsvísu. Formaður í bráðábyrgðastjórn er Katrine Klinken í Danmörku, og Dominique (SF Reykjavík) er varaformaður. Allir convivia á Norðurlöndum sem óska þess geta verið meðlimir af SF i Norden.

Salone del Gusto og Terra Madre eru haldin annað hvert ár í Torino á Norður Ítalíu, og verða því haldin í ár, 25. til 29. október. Stefnubreyting verður í ár því þessir tveir viðburðir renna saman, fyrirlestrar og málstofur sem voru í Terra Madre verða inn á sýninguna Salone. Í undirbúningi er bás Norðurlandanna þar sem áhugi er mikill til að taka þátt saman, ekki síst héðan, margir hafa haft samband og einhverjir smáframleiðendur eru ákveðnir í að fara til Torino. Slow Food í Reykjavík og Matís hafa sótt um styrk hjá NORA (sjóður í Norræna Ráðinu sem styrkir verkefni á milli ´´Islands, Færeyja, Grænlands og Kyst-Norge) til að fjármagna þessa þátttöku og munum við einnig sækja á önnur mið. Salone del Gusto er sölusýning og þangað sækja 200 000 manns, og 1500 blaðamenn fylgjast með því sem gerist þar. Framleiðendur eru í beinu smabandi við neytandann og samframleiðendur í öðrum löndum, sem er ekki minna áhugavert. Farin verður hópferð í haust.

Á Food and Fun hátíðinni, sem var haldin 29. febrúar til 5. mars, komu margir blaðamenn og meðal annars höfðu tvær konur samband við okkur: Elizabeth Helmann Minchilli, bandarísk en búsett í Róm, og Evan Kleiman, vel þekkt útvarpskona og bloggari í Santa Monica. Elizabeth er mjög virkur meðlimur í Slow Food í Róm og Evan stofnaði Slow Food convivium í Los Angeles á sínum tíma. Þær tóku með sér mikið af efni, viðtöl við "Slow Foodies", meðal annars um skyr og salt. Slow Food samfélagið í kringum Ísland stækkar sífellt.

Mjög sérkennilegt mál hefur komið upp: Orf hefur tekið á leigu hjá LBHÍ gróðurhús á leigu til að framleiða (ekki er nákvæmlega vitað hvort verður um framleiðslu eða tilraunir að ræða) snyrtivörur sínar EGF dropana - þessi tilraunagróðurhús hafa verið byggð í samstarfi við ylræktina til að vinna að þeirra framleiðslu... Umhverfisstofnun gaf leyfi án þess að taka tillit til athugasemda frá Heilbrigðisnefnd Suðurlands eða sveitafélaginu Ölfus sem báðu um skerpt eftirlit, án þess að kynna umsóknina fyrir íbúana, Hveragerði (bæjarfélagið) vissi ekkert um málið fyrr en hópur mótmælti kröftulega og fór á fund bæjarstjórans. Það sem alvarlegast er, er að þessi áhættusömu ræktun mun fara fram innan við 1 km frá Heilsuhæli NLFÍ sem er frumkvöðull í lífrænni ræktun og yfirlýst Svæði án Erfðabreyttra Lífvera, við bakka Varmár sem er fríðuð, við trjáplöntusafnið.
Allt hefur verið gert til að fá Orf til að rækta innanhús, en ekki til að taka húsin og svæðin frá lífrænum ræktendum.